Posted on Facebook : 2024/2/25
ဂျပန်မှာအိမ်ဝယ်ဖို့အတွက် ဘဏ်ကိုLoanလျှောက်တဲ့အခါ ဘဏ်ကနေDown Paymentတောင်းလာခဲ့ရင် နည်းနည်းစဉ်းစားပါ။ ဘဏ်ကနေDown Paymentတောင်းရတဲ့အကြောင်းအရင်းတွေထဲကတစ်ခုဟာ ဝယ်ဖို့လုပ်နေတဲ့အိမ်စျေးကပေါက်စျေးထက်များနေတဲ့Caseလည်းဖြစ်နေတတ်ပါတယ်။ (အိမ်ချေးငွေနှင့်ပတ်သက်တဲ့Trickကိုအောက်ကPostမှာဖတ်ရှုနိုင်ပါတယ်။)
ဥပမာ၊ အိမ်တစ်လုံးကိုသောင်း5,000နဲ့ဝယ်ဖို့ဘဏ်ကိုLoanလျှောက်တယ်ဆိုပါစို့။ ဘဏ်ကထုတ်ချေးသင့်သလားစိစစ်တဲ့အခါ ဒီအိမ်ရဲ့တန်ဖိုးကသောင်း4,000ပဲရှိနေတယ်။ အဲ့ဒါဆို ဘဏ်ကလူက “အားလုံးအဆင်ပြေပေမယ့် အထက်လူကြီးတွေရဲ့ခွင့်ပြုချက်ရဖို့ဆိုရင် Down Paymentသောင်း1,000လိုအပ်နေတယ်။ Down Paymentသောင်း1,000ပေးချေမယ်ဆိုရင် Loanကျလိမ့်မယ်။ အိမ်ကတော်တော်လေးကောင်းတော့ ဒီအခွင့်အရေးလက်မလွတ်အောင် Down Paymentသောင်း1,000သွင်းပေးပါ့လား”ဆိုပြီးပြောလာလိမ့်မယ်။ ပေါက်စျေးထက်ပိုနေတဲ့သောင်း1,000ကိုDown Paymentအနေနဲ့Customerကိုသွင်းစေပြီး၊ အကယ်၍Customerကအကြွေးပြန်မဆပ်နိုင်လို့ ဘဏ်ကအိမ်ကိုသိမ်းလိုက်ရင်လည်း ဘဏ်အတွက်အရှုံးသိပ်မရှိဘူး။ ဘဏ်အနေနဲ့ဆိုRiskနည်းနည်းနဲ့အတိုးရတဲ့အနေအထားတစ်ခုကိုဖန်တီးလိုက်နိုင်တာပဲ။ ဒါပေမယ့် Customerဘက်ကတော့ သောင်း1,000လောက်စျေးပိုကြီးနေတဲ့အိမ်ကိုဝယ်လိုက်ရရော။
ကိုယ်ကပိုက်ဆံထုတ်ချေးရတဲ့သူအနေနဲ့စဉ်းစားကြည့်ပါ။ ပေါက်စျေးသောင်း4,000တန်အိမ်တစ်လုံးကို သောင်း3,000နဲ့ဝယ်ဖို့လုပ်နေတဲ့သူရှိတယ်ဆိုပါစို့။ ဒါပေမယ့် အဲ့ဒီလူဆီမှာသောင်း3,000မရှိလို့ ကိုယ်ကနေသူ့ကိုချေးရင် Down Paymentတောင်းမလား? Down Paymentမလိုပါဘူး။ အကြွေးမပေးနိုင်ရင် အိမ်ကိုသိမ်းလိုက်ရုံနဲ့ သောင်း1,000မြတ်နေပြီ။ ကိုယ်ကDown Paymentသွားတောင်းမိလို့ အဲ့ဒီလူကကိုယ့်ဆီကမဟုတ်ဘဲ တခြားDown Paymentမလိုတဲ့နေရာကနေသွားချေးလိုက်ရင် Riskနည်းနည်းနဲ့အတိုးရမယ့်Chanceတစ်ခုကို ကိုယ်ကဆုံးရှုံးသွားမှာပါ။
ဘဏ်ဆိုတာပရဟိတလုပ်ငန်းလုပ်နေတာမဟုတ်ဘူး။ ငွေချေးပြီးရလာတဲ့အတိုးနဲ့အမြတ်ကျန်အောင်လုပ်တဲ့Businessပါ။ အဲ့ဒီလိုငွေချေးတဲ့အခါမှာလည်း သူတို့ဘက်ကRiskကိုတတ်နိုင်သမျှလျော့ကျအောင်လုပ်ရပါတယ်။ သူတို့ကိုလည်းအပြစ်ပြောလို့မရဘူး။ ဒါကသူတို့ရဲ့Businessပဲ။ အဲ့ဒါကြောင့် “ဘဏ်ကအိမ်ဝယ်ဖို့ထုတ်ချေးပြီဆိုမှတော့ဒီအိမ်ကစျေးတန်လို့ပေါ့ မရှုံးပါဘူး စိတ်ချလိုက်တော့”ဆိုတဲ့စကားကို လုံးဝမယုံပါနဲ့။
コメント