【Informationထက်Storyကိုအဓိကထားပါ】~Myselfအကြောင်းမဟုတ်ဘဲ MyStoryအကြောင်းပြောရအောင်~

ဟိုးတလောတုန်းကအအေးမိသွားလို့ဆေးဆိုင်သွားပြီးအအေးမိပျောက်ဆေးသွားဝယ်တယ်။ ဆေးတွေကအမျိုးမျိုးရှိတော့ ဘာဆေးဝယ်ရမလဲစဉ်းစားနေတုန်း ကြော်ငြာဆိုင်းဘုတ်တစ်ခုသွားတွေ့တယ်။ အဲ့ဒီဆိုင်းဘုတ်မှာရေးထားတာက…

“Bromhexine hydrochlorideပါဝင်တဲ့ဆေး❗️”

ဘာပါဝင်ပစ္စည်းမှန်းလဲမသိဘူး။ ဘာအတွက်ကောင်းတာမှန်းလဲမသိဘူး။ အဲ့ဒီလိုမျိုးInformationတစ်ခုတည်းကိုပဲပြောရင် ဖတ်တဲ့သူ၊ နားထောင်တဲ့သူရဲ့စိတ်ကိုမဆွဲဆောင်နိုင်ပါဘူး။ အဲ့ဒီဆိုင်းဘုတ်ရဲ့ဘေးမှာပဲ အခြားအအေးမိပျောက်ဆေးတစ်မျိုးရဲ့ဆိုင်းဘုတ်ကိုထပ်တွေ့တယ်။

“အရေးကြီးတဲ့အလုပ်တွေလုပ်ဖို့ အအေးမိတာကိုအမြန်ဆုံးပျောက်ချင်တဲ့သင့်အတွက် အကောင်းဆုံးအအေးမိပျောက်ဆေး။”

ဖတ်လိုက်တာနဲ့သဘောပေါက်လွယ်တယ်။

လူတော်တော်များများကနားထောင်တဲ့အခါ Storyပုံစံနားထောင်ရတာကိုသဘောကျပြီး၊ ကိုယ်ကပြောရတဲ့အလှည့်ကျရင်တော့ အပေါ်ကပထမဆိုင်းဘုတ်လို Informationတွေချည်းပဲပြောချင်ကြတယ်။

အလုပ်Interviewမှာကိုယ့်ကိုယ်ကိုမိတ်ဆက်ရင်လည်း ဘယ်နှစ်မှာဘယ်ကျောင်းကဘွဲ့ရပြီး၊ ဘာCertificateကိုဘယ်နှစ်မှာရထားပါတယ်ဆိုပြီး Informationတွေချည်းပဲပြောတဲ့သူတွေတွေ့ရတယ်။ လုံးဝမကောင်းဘူးလို့တော့မဟုတ်ပေမယ့် Informationတွေချည်းပဲဆို တစ်ဖက်လူ(Interviewer)ကမှတ်မိဖို့ခက်တယ်။ Storyပုံစံနဲ့ပြောနိုင်မယ်ဆိုရင် တစ်ဖက်လူ(Interviewer)က နားထောင်ရင်းစိတ်ကူးထဲမှာမြင်ယောင်လာနိုင်လို့ ကိုယ့်အကြောင်းကိုပိုမှတ်မိလွယ်တယ်။ ကိုယ့်အကြောင်းကိုStoryပုံစံမျိုးနဲ့မိတ်ဆက်နိုင်ဖို့ အောက်က4Stepsနဲ့တည်ဆောက်ကြည့်ပါ။

Step1: မေးခွန်းရဲ့အဖြေကိုတိုတိုနဲ့ရှင်းရှင်းလင်းလင်းဖြေပါ။

Step2: ကိုယ့်အားနည်းချက်တွေ၊ Negativeအတွေ့အကြုံတွေကိုထုတ်ဖော်ပြီး တစ်ဖက်လူရဲ့စာနာမှု(စိတ်ဝင်စားမှု)ကိုယူပါ။

Step3: ကိုယ့်အားနည်းချက် or Negativeအတွေ့အကြုံကိုဖြေရှင်းတဲ့(မယ့်) ပုံစံကိုပြောပါ။

Step4: ကိုယ့်အားနည်းချက် or Negativeအတွေ့အကြုံကိုဖြေရှင်းပြီးနောက်ပိုင်းမှာဖြစ်ပေါ်လာတဲ့(မယ့်) ကောင်းမွန်တဲ့အနာဂတ်အကြောင်းကိုပြောပါ။

ကျွန်တော့်ရဲ့အကြောင်းနဲ့ဥပမာStoryတစ်ခုလုပ်ကြည့်ရင်…

=============

Question:

ဂျပန်စာကိုဘယ်လိုလေ့လာခဲ့လဲ?

Answer:

(Step1)

ဂျပန်စာကိုအထူးသဖြင့်Listening နဲ့ Speakingကိုအဓိကထားပြီးလေ့လာခဲ့ပါတယ်။

(Step2)

ကျွန်တော့်မိခင်ဘာသာစကားမှာKanjiမရှိတော့ Language Schoolကျောင်းသားဘဝမှာ တရုတ်လူမျိုး၊ ကိုရီးယားလူမျိုးကျောင်းသားတွေနဲ့Kanjiဘက်မှာဘယ်လိုမှမယှဉ်နိုင်ခဲ့ပါဘူး။

(Step3)

အဲ့ဒါကြောင့် Listening နဲ့ Speakingဘက်ကိုပိုအားစိုက်ပြီးလုပ်ခဲ့ပါတယ်။ အထူးသဖြင့် ကြားလိုက်တဲ့အသံထွက်အတိုင်း လိုက်တုပြီးပြောတဲ့Shadowingကိုလေ့ကျင့်ခဲ့ပါတယ်။

(Step4)

အဲ့ဒီလို Listening နဲ့ Speakingဘက်ကိုအားစိုက်လုပ်ခဲ့လို့ ဂျပန်လူမျိုးတွေနဲ့အဆင်ပြေပြေစကားပြောနိုင်လာပြီး Communication Skillတွေလည်းတက်လာလို့ လုပ်ငန်းခွင်မှာချောချောမွေ့မွေ့နဲ့အလုပ်လုပ်နိုင်ပါတယ်။

=============

Interviewမှမဟုတ်ပါဘူး။ Presentationတွေ၊ Marketingမှာလည်း Storyနဲ့ပြောနည်းကအရမ်းအသုံးဝင်ပါတဃ်။

အနာဂတ်Career Storyကိုကျွန်တော်နဲ့အတူတူစဉ်းစားချင်တယ်ဆိုရင် အစစအရာရာတိုင်ပင်နိုင်ပါတယ်။