【ကိုယ့်ရဲ့စျေးကွက်ပေါက်စျေးကဘယ်လောက်လဲ?】~ဈေးကွက်ပေါက်စျေးကိုသိရှိခြင်းရဲ့အရေးပါမှု~

ဂျပန်ရဲ့Career Marketမှာ ကိုယ့်ရဲ့အရည်အချင်းနဲ့အတွေ့အကြုံတွေက လက်ရှိမှာဘယ်လောက်အထိ တန်ကြေးရှိသလဲ(တစ်နည်းအားဖြင့်, ဈေးကွက်ပေါက်ဈေး)ဆိုတာကိုသိထားဖို့က အင်မတန်အရေးကြီးပါတယ်။

⚠️”ဈေးကွက်ပေါက်ဈေး”ကိုမသိရင်ဘာဖြစ်နိုင်သလဲ?

ကိုယ့်ရဲ့တန်ဖိုးကို ကိုယ်တိုင်မသိထားတဲ့အခါ လက်ရှိကုမ္ပဏီက ကိုယ့်ကိုလုပ်အားခခေါင်းပုံဖြတ်နေတာ ဒါမှမဟုတ် တန်ရာတန်ကြေးမပေးတာမျိုးဖြစ်နေရင်တောင်မှ ကိုယ့်ဘက်ကသိမှာမဟုတ်ပါဘူး။ အဲ့ဒီလို, ကိုယ်ကမသိလို့ တင်းတိမ်နေတာမျိုးဟာ ကိုယ့်ဘဝအတွက် အများကြီးနှမျောဖို့ကောင်းပါတယ်။ “ဈေးကွက်ပေါက်ဈေး”ကိုသိထားခြင်းဟာ ခေါင်းပုံဖြတ်မခံရအောင် ကိုယ့်ကိုယ်ကိုကာကွယ်ခြင်းပဲဖြစ်ပါတယ်။

✅ကိုယ့်ရဲ့”ဈေးကွက်ပေါက်စျေး”ကို ဘယ်လိုသိနိုင်မလဲ?

“အလုပ်ရှာဖွေရေးလှုပ်ရှားမှု (転職活動=Job Hunting Activity)”လုပ်ကြည့်ခြင်းက ကိုယ့်ရဲ့”ဈေးကွက်ပေါက်စျေး”ကိုအနီးစပ်ဆုံးသိရှိနိုင်တဲ့နည်းလမ်းပါ။ အလုပ်ပြောင်းတာဆိုရင် ပတ်ဝန်းကျင်အသစ်မှာအဆင်မပြေဖြစ်တာ ဒါမှမဟုတ် မျှော်လင့်ထားသလိုဖြစ်မလာတာစတဲ့ Riskတွေရှိနိုင်ပေမယ့် “အလုပ်ရှာဖွေရေးလှုပ်ရှားမှု (転職活動=Job Hunting Activity)”ကတော့ လုံးဝNo Riskပါ။ 転職活動လုပ်ရင် Career Agent တွေနဲ့တိုင်ပင်ပြီး ကိုယ့်ရဲ့Profileနဲ့ဆိုရင် ဘယ်လောက်အထိလစာရနိုင်မလဲဆိုတာကို မေးကြည့်နိုင်ပါတယ်။ LinkedIn ဒါမှမဟုတ် အလုပ်အကိုင်Website တွေမှာကိုယ့်ရဲ့CVကိုတင်ထားပြီး ဘယ်လိုကုမ္ပဏီမျိုးတွေက ကိုယ့်ကိုစိတ်ဝင်စားလဲ၊ ဘယ်လောက်ပေးချင်လဲဆိုတာကို စောင့်ကြည့်လို့ရပါတယ်။ နောက်ပြီး Interviewတွေဝင်ဖြေကြည့်ရင် လက်ရှိဈေးကွက်မှာ ဘယ်လိုSkillတွေလိုအပ်နေလဲဆိုတာကိုလေ့လာနိုင်ပြီး ကိုယ့်ဘက်ကဘာတွေထပ်ဖြည့်ဖိုလိုလဲဆိုတာ ရှင်းရှင်းလင်းလင်းသိလာနိုင်ပါတယ်။

ကိုယ့်ရဲ့Careerကိုပိုမိုတိုးတက်စေဖို့နဲ့ အသုံးချမခံရစေဖို့အတွက် “ဈေးကွက်ပေါက်စျေး”ကိုအမြဲတမ်းမျက်စိဖွင့်၊ နားစွင့်ထားဖို့လိုပါတယ်။