Posted on Facebook : 2023/7/17
ဂျပန်ရောက်တဲ့လူတိုင်းလိုလို ညည်းကြတာကအခွန်အခစျေးကြီးကြောင်းပဲ။ ဂျပန်ကအခွန်ဆောင်ရတာများပါတယ်။ ဒါပေမယ့် ဂျပန်ရဲ့အခွန်စနစ်ကိုနည်းနည်းပါးပါးတီးမိခေါက်မိရင် ဆောင်ရမယ့်အခွန်ကိုအနည်းငယ်Controlလုပ်လို့ရတယ်။ တရားမဝင်အခွန်ရှောင်တာမဟုတ်ပါဘူး။ သတ်မှတ်ထားတဲ့စည်းကမ်းဘောင်ထဲကနေထိန်းညှိတာပါ။ အဲ့ဒီလိုထိန်းညှိဖို့ဆိုရင် အခွန်စနစ်နဲ့ပတ်သက်တဲ့ဂျပန်အခေါ်အဝေါ်တွေကိုသိထားမှရှေ့ဆက်လုပ်လို့ရတဲ့ကိစ္စတွေရှိတယ်။ အဲ့ဒီအခေါ်အဝေါ်တွေထဲကအခြေခံဖြစ်တဲ့ 収入နဲ့所得ရဲ့အဓိပ္ပါယ်ကွာခြားပုံကိုသိရင် အခွန်ကိုထိန်းညှိဖို့ လုပ်ရမယ့်အရာတွေကိုနားလည်လွယ်လာလိမ့်မယ်။
収入ရော所得ရောGoogle Translateမှာ
”ဝင်ငွေ(income)”လို့ပဲအဓိပ္ပါယ်အတူတူဘာသာပြန်ပေမယ့် ဂျပန်ရဲ့အခွန်စနစ်မှာတော့ဒီိနှစ်ခုကကွဲပြားတယ်။
•収入
収入ရဲ့အဓိပ္ပါယ်ကတော့ရှင်းရှင်းလေးပဲ။
အခွန်တွေ ကျန်းမာရေးအာမခံတွေ ပင်စင်တွေ ဘာမှမဖြတ်ရသေးတဲ့တစ်နှစ်စာဝင်ငွေ။
တစ်လကိုသောင်း၃၀ ဝင်ငွေရှိတဲ့သူဟာ 収入ကသောင်း၃၆၀(သောင်း၃၀ x ၁၂လ)။ 年収လို့လည်းခေါ်ကြတယ်။
•所得
အခွန်ဘယ်လောက်ဆောင်ရမလဲတွက်ဖို့အတွက်သက်သက်တွက်ယူထားတဲ့”ကိန်းဂဏန်း (သို့)အယူအဆ”လို့အဓိပ္ပါယ်ဖွင့်လို့ရတယ်။ အခွန်ဆိုတာ収入ပေါ်မူတည်ပြီးတွက်တာမဟုတ်ဘူး။ 所得ပေါ်မူတည်ပြီးတွက်တာ။ 所得ကိုတွက်တဲ့Formulaရှိတယ်။
所得 = 収入-経費-控除
経費:ကုန်ကျစရိတ်
控除:(အခွန်တွက်မယ့်ဝင်ငွေမှ)ကင်းလွတ်စရိတ်
တစ်နှစ်စာဝင်ငွေ(収入)ကနေကုန်ကျစရိတ်(経費)နဲ့ကင်းလွတ်စရိတ်(控除)ကိုနှုတ်ပြီးရလာတဲ့ကိန်းဂဏန်း(所得)ကိုအခြေခံပြီးတော့မှ နေထိုင်ခွန်(住民税)ရယ် ဝင်ငွေခွန်(所得税)ရယ် ဘယ်လောက်ဆောင်ရမလဲဆိုတာကိုတွက်တယ်။ အဲ့ဒါကြောင့်အခွန်ကိုControlလုပ်တဲ့အခါမှာ 収入ထက်所得ကပိုအရေးပါတယ်။ အခွန်ဆောင်ရတာနဲ့ကုန်ပြီလို့ဘာမှမလုပ်ဘဲညည်းနေမယ့်အစား ဘောင်ထဲကနေအခွန်ကိုဘယ်လိုထိန်းညှိလို့ရမလဲစဉ်းစားပြီးလုပ်တာကကိုယ့်အတွက်ပိုအကျိုးရှိပါတယ်။ အဲ့လိုစဉ်းစားပြီးလုပ်တဲ့အခါ 収入နဲ့所得ရဲ့ကွဲပြားပုံကိုသိထားရင် အရမ်းအဆင်ပြေချောမွေ့ပါလိမ့်မယ်။
*所得ကို課税所得လို့လည်းပြောတယ်။
==========================
【Appendix】
•経費(ကုန်ကျစရိတ်)
ကိုယ်ပိုင်လုပ်ငန်းလုပ်နေသူမှမဟုတ်ဘူး။ လခစားဝန်ထမ်း(Salaryman, Part time)တွေမှာလည်း経費(ကုန်ကျစရိတ်)ဆိုတာရှိတယ်။ လခစားဝန်ထမ်းတွေရဲ့経費က収入ပေါ်မူတည်ပြီးသတ်မှတ်ထားပြီးသား။ လခစားဝန်ထမ်းတွေရဲ့経費ကို給与所得控除လို့ခေါ်ပြီးအောက်ကweb siteမှာဝင်ကြည့်လို့ရတယ်။
•控除(အခွန်တွက်မယ့်ဝင်ငွေမှကင်းလွတ်စရိတ်)
所得ကိုရဖို့အတွက် 収入ကနေ経費ကိုနှုတ်ရုံနဲ့မပြီးသေးဘူး။ လူတစ်ယောက်နဲ့တစ်ယောက်ရဲ့ဘဝအခြေအနေကိုထည့်စဉ်းစားထားတဲ့控除ဆိုတာကိုနှုတ်သေးတယ်။ ဥပမာ၊ မှီခိုနေတဲ့အိမ်ထောင်ဖက်တို့ကလေးတို့ရှိရင်နှုတ်ပေးတာ(扶養控除)၊ ဆေးဖိုးဝါးခကုန်ကျစရိတ်များတဲ့သူဆိုရင်နှုတ်ပေးတာ(医療費控除)စတာတွေရှိတယ်။
コメント