“အခုနောက်ပိုင်းယန်းစျေးတွေကျနေတယ်နော်။ ကိုယ့်ရဲ့ပိုင်ဆိုင်မှုကယန်းငွေတစ်ခုတည်းဆိုရင်စိတ်မပူဘူးလား? ဒေါ်လာတို့လိုနိုင်ငံခြားငွေနဲ့ပြန်ရမယ့်အာမခံမျိုးဆိုရင် ပိုပြီးတော့စိတ်ချရတဲ့အပြင် အမြတ်လည်းရနိုင်တယ်”
ဒါကနိုင်ငံခြားငွေနဲ့လည်ပတ်တဲ့အသက်အာမခံထဲကိုဝင်ဖို့ဆွယ်တဲ့ အာမခံအရောင်းဝန်ထမ်းတွေရဲ့လက်သုံးစကားပဲ။
(သေဆုံးတာတို့လို)အရေးအကြောင်းတစ်ခုခုဖြစ်ရင်အာမခံငွေပြန်ရပြီး ဘာမှမဖြစ်ရင်သတ်မှတ်တဲ့နှစ်ပြည့်တဲ့အခါ ကိုယ်သွင်းထားတာရဲ့ဘယ်လောက်%ထပ်ဆောင်းပြီး (ဒေါ်လာတို့လို)နိုင်ငံခြားငွေကနေယန်းလဲပြီးပြန်ထုတ်ပေးတဲ့အသက်အာမခံပါ။ ရင်းနှီးမြှုပ်နှံမှုFunction၊ စုငွေFunction၊၊ အာမခံFunctionတွေအကုန်စုပြုံပါဝင်တဲ့အာမခံပါ။ “Functionအကုန်ပါတော့ ဒီအာမခံတစ်ခုတည်းဝယ်လိုက်တာနဲ့ဘာမှပူစရာမလိုတော့ဘူး”လို့တွေးလိုက်မိရင် အာမခံကုမ္ပဏီရဲ့သားကောင်ဖြစ်ပြီလို့သာမှတ်လိုက်ပါ။
ရင်းနီးမြှုပ်နှံမှုကရင်းနီးမြှုပ်နှံမှု၊ စုငွေကစုငွေ၊အာမခံကအာမခံ သက်သက်စီဆိုပြဿနာမဖြစ်ပေမယ့် ၃ခုပေါင်းလိုက်တဲ့အခါမှာတော့ Functionအကုန်လုံးဟိုမရောက်ဒီမရောက်တွေဖြစ်ပြီး တော်တော်ဆိုးရွားတဲ့အာမခံပုံစံကြီးဖြစ်လာပါတော့တယ်။ တော်တော်ဆိုးလွန်းလို့ ငွေကြေးဝန်ဆောင်မှုဌာန(金融庁)ကနေသတိပေးချက်ထုတ်ပြန်ရတဲ့အထိပဲ။
မဝင်သင့်တဲ့အချက်No.1 : ကော်မရှင်ခကစျေးကြီးလွန်းတယ်။
ဒီအာမခံမှာရင်းနှီးမြှုပ်နှံမှုFunctionပါပြီး ကိုယ့်ရဲ့ကိုယ်စားအဖြစ် အာမခံကုမ္ပဏီကနိုင်ငံခြား(များသောအားဖြင့်USA)မှာ Bondတွေဝယ်ပြီးလည်ပတ်ပေးပါတယ်။ အဲဒီလိုလည်ပတ်ပေးရတဲ့အတွက် ကော်မရှင်ခနှုတ်ပါတယ်။ အဲ့ဒီလိုနှုတ်တဲ့ကော်မရှင်ခက စျေးအရမ်းကြီးလွန်းပါတယ်။ ရင်းနှီးမြှုပ်နှံမှုလောကမှာ ကိုယ်ရင်းနှီးမြှုပ်နှံထားတဲ့ပမာဏရဲ့1%အောက်ပဲကော်မရှင်ခပေးရရင် စျေးတန်တဲ့Fundလို့သတ်မှတ်ကြပါတယ်။ ဒါပေမယ့် ဒီလိုအာမခံမျိုးရဲ့ကော်မရှင်ခဟာ တော်တော်များများ5%အထက်တွေချည်းပါပဲ။ ကော်မရှင်ခပေးရတာများတော့ ပြန်ရတဲ့Returnကနည်းသွားရော။ ငွေစျေးပြောင်းလဲမှုRiskကို ကိုယ်ကယူထားရပြီးတော့ကော်မရှင်ခစျေးကြီးလို့ပြန်ရတဲ့Returnကနည်းသွားမယ့်ရင်းနှီးမြှုပ်နှံမှုဟာ တကယ်ကောင်းမွန်တဲ့ရင်းနှီးမြှုပ်နှံမှုဖြစ်နိုင်ပါ့မလား? ပြီးတော့ သတ်မှတ်တဲ့နှစ်ပြည့်လို့ရလာတဲ့အမြတ်အနည်းငယ်ထဲကနေအခွန်ကထပ်ဆောင်ရဦးမယ်။
မဝင်သင့်တဲ့အချက်No.2 : လစဉ်သွင်းရတဲ့အာမခံကြေးကစျေးကြီးလွန်းတယ်။
ပုံမှန်အာမခံ(လစဉ်သွင်းတဲ့အာမခံကြေးတွေပြန်မရတဲ့Type, かけ捨てအာမခံ)နဲ့ယှဉ်ရင် အာမခံကြေးကစျေးကြီးလွန်းတယ်။ ၂ဆ၊ ၃ဆစျေးကြီးတဲ့Levelမဟုတ်ဘူး။ ဆိုရွားလွန်းတဲ့နိုင်ငံခြားငွေ(外貨建て)အသက်အာမခံကြေးဆိုရင်၈ဆ~၁၀ဆကျော်လောက်စျေးကြီးတယ်။ ပစ္စည်းတစ်ခုခုဝယ်ရင် စျေးကြီးရင်အရည်အသွေးကောင်းပေမယ့် ငွေကြေးလောကမှာပြောင်းပြန်ပါ။ စျေးကြီး(Costများ)ရင်အထူးသတိထားပါ။
မဝင်သင့်တဲ့အချက်No.3 : အာမခံလျော်ကြေးကနည်းပါးလွန်းတယ်။
လစဉ်သွင်းရတဲ့အာမခံကြေးကစျေးကြီးသလောက် အရေးအကြောင်းတစ်ခုခုဖြစ်ရင်ပြန်ရမယ့်အာမခံလျော်ကြေးက ပုံမှန်အာမခံ (လစဉ်သွင်းတဲ့အာမခံကြေးတွေပြန်မရတဲ့Type, かけ捨てအာမခံ)တွေနဲ့ယှဉ်ရင်နည်းပါးလွန်းတယ်။
မဝင်သင့်တဲ့အချက်No.4 : ကိုယ့်ရဲ့ငွေကြေးတွေကအချိန်ကြာကြာLockလုပ်ခံရတယ်။
စုငွေFunctionပါတယ်ဆိုပေမယ့် သတ်မှတ်တဲ့နှစ်မတိုင်မှီပြန်ထုတ်ချင်ရင် ကိုယ်စုထားတဲ့ငွေထက်လျော့နည်းတဲ့ပမာဏပဲပြန်ရတယ်။ ၁၀နှစ်၊ နှစ်၂၀၊ နှစ်၃၀ ဒါမှမဟုတ် အသက်ဘယ်လောက်ရောက်မှဆိုပြီး နှစ်တွေအများကြီးကိုယ့်ငွေတွေကိုLockလုပ်ခံရတယ်။ ကိုယ့်ငွေကိုထုတ်ချင်တဲ့အချိန်ထုတ်လို့မရလို့ စုငွေလို့ခေါ်လို့မရဘူး။ အာမခံကြေးကိုတောက်လျှောက်သွင်းအောင်လို့ ကိုယ့်ငွေကိုဓားစာခံအနေနဲ့လုပ်ထားတာပါ။
ယန်းငွေပဲကိုင်ထားရလို့စိတ်ပူတယ်ဆိုရင် ကိုယ်ဟာကိုယ်ဒေါ်လာဝယ်စုရင်စု၊ US Bondကိုဝယ်ချင်ဝယ်၊ ဒါ့ထက်Riskယူနိုင်မယ်ဆိုရင်တော့ NISAစနစ်နဲ့ S&P500တို့ 全世界株式တို့လို Index Fundထဲထည့်မယ်ဆိုရင်တော့ တစ်နှစ်ကို၆%~၈%အမြတ်လောက်မှန်းလို့ရမယ်။ NISAစနစ်ကိုသုံးထားရင်အမြတ်အတွက်အခွန်လည်းဆောင်စရာမလိုဘူး။ အရေးအကြောင်းကြုံလို့ ထုတ်ချင်ရင်လည်း အလွယ်တကူထုတ်လို့ရတယ်။
ကိုယ်တစ်ယောက်စာအမြင်ကတော့ ဂျပန်ရဲ့Publicအာမခံနဲ့တင်လုံလောက်တယ်လို့ထင်ပေမယ့် စိတ်ပူလို့ဝင်ချင်တယ်ဆိုရင် စျေးချိုတဲ့ပုံမှန်အာမခံ(လစဉ်သွင်းတဲ့အာမခံကြေးတွေပြန်မရတဲ့Type, かけ捨て型)ကိုဝင်ပြီး ပိုတာကိုစုချင်စု၊ Investmentလုပ်ချင်လုပ်ပါ။ နိုင်ငံခြားငွေ(外貨建て)အသက်အာမခံထဲဝင်ထားမိရင် အမြန်ဆုံးစာချုပ်ဖျက်ပြီး စျေးချိုတဲ့ပုံမှန်အာမခံ+စုငွေပုံစံကိုပြောင်းလဲလိုက်တာကောင်းပါတယ်။(စာချုပ်ပြည့်ကာနီးဆိုရင်တော့နည်းနည်းသည်းခံစောင့်လိုက်တာကောင်းတယ်)
အာမခံဟာအာမခံ၊
စုငွေဟာစုငွေ၊
InvestmentဟာInvestment၊
သူ့ဟာနဲ့သူသပ်သပ်စီထားပါ။
မရောနဲ့ ❗️ အန္တရာယ်များတယ်❗️
コメント