လူအများစုကလက်ရှိအလုပ်မှာ စိတ်ညစ်လာမှ၊ အဆင်မပြေတော့မှ အလုပ်အသစ်ရှာတတ်ကြပါတယ်။ တကယ်တော့ အလုပ်မှာ အဆင်ပြေနေချိန်/စိတ်အေးချမ်းနေချိန်မှာ အလုပ်ရှာဖွေရေးကိုလှုပ်ရှားကြည့်တာဟာ Careerအတွက်အများကြီးအထောက်အကူဖြစ်ပါတယ်။
ဘာကြောင့်အစစအဆင်ပြေနေချိန်မှာအလုပ်ရှာကြည့်သင့်သလဲ?
1️⃣ စိတ်အေးချမ်းနေချိန်မှာဆုံးဖြတ်ချက်အမှန်ကို ချနိုင်ခြင်း
စိတ်ဓာတ်ကျနေချိန် ဒါမှမဟုတ် အလုပ်မှာအဆင်မပြေလို့ အကျပ်အတည်းတွေ့နေချိန်မှာအလုပ်ရှာရင် ဆုံးဖြတ်ချက်တွေဝေဝါးသွားတတ်ပါတယ်။ “ဘယ်လိုပဲဖြစ်ဖြစ် ဒီအလုပ်ကနေထွက်ရရင်ပြီးရော” ဆိုတဲ့စိတ်နဲ့ ကိုယ်နဲ့မသင့်တော်တဲ့အလုပ်/ပတ်ဝန်းကျင်ကို အလောတကြီးရွေးချယ်မိနိုင်ပါတယ်။ အလုပ်အဆင်ပြေနေချိန်မှာတော့ ခေါင်းအေးအေးနဲ့ စိတ်အေးလက်အေးသုံးသပ်နိုင်တဲ့အတွက် ကိုယ့်အတွက်တကယ်ကောင်းတဲ့အခွင့်အလမ်းကိုပဲ မှန်မှန်ကန်ကန်ရွေးချယ်နိုင်ပါတယ်။ လူတစ်ယောက်ဟာ အကျပ်အတည်းတွေ့နေချိန်မှာ ပုံမှန်အချိန်ထက်ဆုံးဖြတ်နိုင်စွမ်းက၉၀%လောက်ကျဆင်းတတ်တယ်လို့ဆိုကြပါတယ်။
2️⃣ “ငါ့မှာ တခြားရွေးချယ်စရာရှိတယ်” ဆိုတဲ့ စိတ်သက်သာမှုရရှိခြင်း
လက်ရှိအလုပ်မှာစိတ်ညစ်စရာ၊ မတရားခံရတာ ဒါမှမဟုတ် အဆင်မပြေတာတွေကြုံလာရတဲ့အခါ “ငါ့မှာဒီအလုပ်တစ်ခုပဲရှိတာ။ အလုပ်မရှိရင်ရပ်တည်ဖို့မလွယ်ဘူး။” ဆိုတဲ့အတွေးက လူကိုပိုပြီးဖိအားများစေပါတယ်။ တခြားရွေးချယ်စရာအခွင့်အလမ်းတွေရှိနေတယ်ဆိုတာသိထားရင် “ငါ့မှာတခြားကိုသွားလို့ရတဲ့နေရာတွေရှိသေးတာပဲ။” ဆိုတဲ့ စိတ်သက်သာမှု(စိတ်လုံခြုံမှု)ကိုရရှိစေပါတယ်။ ဒါဟာ လက်ရှိအလုပ်ကကိစ္စအရပ်ရပ်ကိုလည်း ပိုပြီးယုံကြည်ချက်ရှိရှိနဲ့ရင်ဆိုင်နိုင်စေပါတယ်။
3️⃣ အရေးပေါ်အခြေအနေအတွက် အကဲဆတ်စွာ ပြင်ဆင်ထားနိုင်ခြင်း(Risk Hedge)
လက်ရှိအလုပ်မှာအခြေအနေမကောင်းတော့မှ အစကနေစပြီးအလုပ်ရှာရင် အချိန်ပိုကုန်သလို စိတ်ဖိစီးမှုလည်းအရမ်းများပါတယ်။ ပုံမှန်ချိန်မှာကတည်းက ဈေးကွက်ကိုလေ့လာထားရင် အရေးအကြောင်းကြုံလို့အပြောင်းအလဲတစ်ခုခုဖြစ်လာတဲ့အခါ ချက်ချင်းလက်တွေ့လှုပ်ရှားနိုင်ပါတယ်။
အလုပ်ပြောင်းဖို့ ၁၀၀%ဆုံးဖြတ်မထားရင်တောင်မှ၊ ပုံမှန်အချိန်မှာအလုပ်ရှာဖွေတာကိုစမ်းလုပ်ကြည့်ခြင်းဟာ ကိုယ့်ရဲ့Market Valueကိုစစ်ဆေးနိုင်ရုံတင်မကဘဲ စိတ်ပိုင်းဆိုင်ရာလုံခြုံမှုကိုပါပေးနိုင်တဲ့ အကောင်းဆုံးနည်းလမ်းဖြစ်ပါတယ်။
コメント