【ဂျပန်ရဲ့ငလျင်အာမခံအကြောင်းအခြေခံ】

ကမ္ဘာမှာလှုပ်တဲ့Magnitude”6”အထက်ငလျင်တွေရဲ့20%ဟာဂျပန်မှာလှုပ်တာလို့သုတေသနတွေကဆိုကြတယ်။ အဲ့ဒီလောက်အထိငလျင်များတဲ့နိုင်ငံမှာနေထိုင်ကြပေမယ့် ငလျင်အာမခံနဲ့ပါတ်သက်ပြီးသိပ်မသိကြတာများတယ်။ ဂျပန်မှာအိမ်ဝယ်ထားတဲ့သူ၊ အိမ်ဝယ်ဖို့စဉ်းစားနေတဲ့သူဆိုရင် Base Knowledgeအနေနဲ့သိထားတာကောင်းပါတယ်။

イラストの説明をここに入力します。改行はスクリプトにより自動的に削除されます。どの項目もフォントや色などはスクリプトの動作に影響しないので，お好きなようにカスタマイズしてください。

1.ငလျင်အာမခံရဲ့ရည်ရွယ်ချက်ကဘာလဲ?

ငလျင်အာမခံဝင်ထားရင် ငလျင်ကြောင့်အိမ်တွေပျက်စီးသွားတဲ့အခါ အာမခံကနေအိမ်ရဲ့တန်ဖိုးပြန်ရပြီး အိမ်ပြန်ပြင်ဆောက်လို့ရတယ်လို့လူတော်တော်များများအထင်မှားတတ်ကြပါတယ်။

ငလျင်အာမခံဆိုတာငလျင်ကြောင့်ပျက်စီးသွားတဲ့အိမ်ကိုပြန်ဆောက်ဖို့အတွက်မဟုတ်ပါဘူး❌

လူနေမှုဘဝကိုပြန်တည်ဆောက်ဖို့အတွက်ပါ✅

2. ငလျင်အာမခံကဘယ်လိုအချိန်မှာလျော်ကြေးရတာလဲ?

ငလျင်၊ ငလျင်ကြောင့်ဖြစ်တဲ့ဆူနာမီ၊ ငလျင်ကြောင့်ဖြစ်တဲ့မီးလောင်မှု၊ မီးတောင်ပေါက်ကွဲမှု စတာတွေကြောင့်ဆုံးရှုံးမှုဖြစ်ခဲ့ရင်လျော်ကြေးရပါတယ်။ လူတိုင်းနီးပါးဝင်ထားတဲ့မီးအာမခံက ငလျင်ကြောင့်ဖြစ်တဲ့မီးလောင်မှုကိုCoverမပေးနိုင်ပါဘူး။ ငလျင်ကြောင့်ဖြစ်တဲ့မီးလောင်မှုဆိုရင် ငလျင်အာမခံဝင်ထားမှလျော်ကြေးရပါတယ်။

3. လျော်ကြေးအမျိုးအစားဘယ်နှစ်မျိုးရှိလဲ?

နှစ်မျိုးရှိတယ်။

1)အဆောက်အဦပျက်စီးမှုအတွက်လျော်ကြေး

2)အိမ်တွင်းပစ္စည်းပျက်စီးမှုအတွက်လျော်ကြေး

၂ခုစလုံးအတွက်အာမခံဝင်ထားမှ ၂ခုစလုံးအတွက်လျော်ကြေးရမှာပါ။(ဥပမာ, အဆောက်အဦအတွက်ပဲအာမခံဝင်ထားပြီး အိမ်တွင်းပစ္စည်းတွေအတွက်အာမခံဝင်မထားရင် အိမ်တွင်းပစ္စည်းပျက်စီးမှုအတွက်လျော်ကြေးမရပါဘူး)

4. ငလျင်အာမခံကိုဘယ်လိုဝင်ရမလဲ?

ငလျင်အာမခံဆိုပြီးသပ်သပ်မရှိဘဲ မီးအာမခံနဲ့တွဲပြီးမှဝင်လို့ရပါတယ်။

5. လျော်ကြေးဘယ်လောက်ရမလဲ?

မီးအာမခံနဲ့တွဲဝင်ရတာဖြစ်ပြီး မီးအာမခံမှာသတ်မှတ်ထားတဲ့လျော်ကြေးရဲ့အများဆုံး50%ပဲရမှာပါ။(ဥပမာ, မီးအာမခံမှာ အဆောက်အဦအတွက်သောင်း1,000၊ အိမ်တွင်းပစ္စည်းအတွက်သောင်း500ဆိုပြီးသတ်မှတ်ထားတယ်ဆိုရင် ငလျင်အာမခံကနေပြန်ရမယ့်လျော်ကြေးက အဆောက်အဦအတွက်သောင်း500၊ အိမ်တွင်းပစ္စည်းအတွက်သောင်း250ပါ)။ ပြီးတော့ ပျက်စီးမှုLevelပေါ်လိုက်ပြီး ငလျင်အာမခံရဲ့အများဆုံးရမယ့်လျော်ကြေးကနေထပ်လျှော့ခံရဦးမှာပါ။ ထပ်ပြီးတော့လျော်ကြေးငွေကိုလည်း အဆောက်အဦဆိုသောင်း5,000အထိ၊ အိမ်တွင်းပစ္စည်းဆိုသောင်း1,000အထိပဲလျော်ကြေးရမယ်ဆိုပြီး ကန့်သတ်ချက်ထား,ထားပါသေးတယ်။(အသေးစိတ်ကိုအောက်ကLinkမှာဖတ်ရှုနိုင်ပါတယ်)

ဂျပန်ဟာငလျင်များတဲ့နိုင်ငံပါ။ ငလျင်များလို့ကြောက်လန့်ပြီးငလျင်အာမခံထဲဝင်တာထက် ငလျင်အာမခံအကြောင်းကိုသိထားပြီးမှ အရေးအကြောင်းအတွက်Finance Planningကိုဘယ်လိုချမှတ်မလဲဆိုပြီးစဉ်းစားတာကောင်းပါတယ်။