အာမခံဝင်ဖို့စဉ်းစားပြီဆိုရင် အရင်ဦးဆုံးဘယ်လိုRiskမျိုးကိုကာကွယ်ဖို့အတွက်ဝင်မှာလဲဆိုတာကိုစဉ်းစားသင့်ပါတယ်။ ပြီးတော့မှ ဘယ်အာမခံထဲဝင်ရမလဲဆိုတာရွေးချယ်သင့်ပါတယ်။
Q: အသက်အာမခံရဲ့ရည်ရွယ်ချက်ကဘာလဲ?
ကိုယ်တစ်ခုခုဖြစ်သွားရင် ကိုယ့်မိသားစုရဲ့စားဝတ်နေရေးအခက်မတွေ့ရအောင်လို့ကာကွယ်ခြင်းဖြစ်ပါတယ်။
Q: ဘယ်လိုလူတွေဝင်သင့်သလဲ?
ကိုယ်တစ်ခုခုဖြစ်သွားရင် ကိုယ့်မိသားစုရဲ့စားဝတ်နေရေးအခက်တွေ့မယ့်သူတွေဝင်သင့်ပါတယ်။ ဥပမာ, ကလေးငယ်ငယ်လေးပဲရှိသေးပြီး လုံလောက်သောစုဆောင်းငွေမရှိသေးသူများ၊ မိသားစုထဲမှာကိုယ့်အပြင်အလုပ်လုပ်နိုင်တဲ့သူမရှိဘဲ တစ်မိသားစုလုံးကိုယ့်ဝင်ငွေကအဓိကဖြစ်နေသူတွေဟာဝင်သင့်ပါတယ်။ ပြောင်းပြန်အားဖြင့် တစ်ကိုယ်တည်းသမားများ၊ အလုပ်လုပ်နိုင်တဲ့တခြားမိသားစုဝင်တွေရှိသူများ၊ မှီခိုသူများ၊လုံလောက်တဲ့စုဆောင်းငွေရှိသူများကတော့ အသက်အာမခံမလိုအပ်ပါဘူး။
Q: ဘယ်လိုအသက်အာမခံမျိုးကိုရွေးချယ်သင့်သလဲ?
အချိန်ကာလတစ်ခုစာသတ်မှတ်ပြီးဝင်ရတဲ့(定期保険)၊ အချိန်ကာလပြည့်သွားလို့ကိုယ်ကဘာမှမဖြစ်ရင်လည်းပြန်မရတဲ့(かけ捨て保険) အသက်အာမခံကိုရွေးပါ။ ဥပမာ, ကလေးအသက်၂၀ပြည့်ပြီးလို့ ကလေးကကိုယ့်ဘဝကိုယ်ရပ်တည်နိုင်ရင် အသက်အာမခံရဲ့ရည်ရွယ်ချက်ကပြီးဆုံးသွားပြီဖြစ်လို့ နှစ်၂၀စာပဲအာမခံဝင်စရာလိုပါတယ်။ တစ်သက်လုံးဝင်ရတဲ့အသက်အာမခံတွေ၊ နှစ်၂၀ပြည့်လို့ကိုယ်ဘာမှမဖြစ်ရင်ပြန်ရမယ့်အသက်အာမခံတွေကိုတော့ စျေးလည်းကြီးတဲ့အပြင် တစ်သက်လုံးစာလည်းမလိုအပ်လို့ လုံးဝအားမပေးပါဘူး။ အာမခံဟာအာမခံ၊ စုငွေဟာစုငွေ သူ့ဟာနဲ့သူသပ်သပ်စီထားပါ။ မရောနဲ့ အန္တရာယ်များတယ်။
အသက်အာမခံဆိုတာ စိတ်အေးချမ်မှု၊ နောက်ဆံတင်းစရာမလိုမှုကိုဝယ်ယူနိုင်တဲ့စနစ်ပါ။ ငွေတွေကိုတိုးပွါးစေတဲ့စနစ်မဟုတ်ပါဘူး။ ရည်ရွယ်ချက်မမှားဖို့လိုပါတယ်။
コメント