【စတော့ရှယ်ယာရင်းနှီးမြှုပ်နှံမှုနဲ့ပတ်သက်တဲ့ဟာသပုံပြင်တစ်ပုဒ်】

တစ်ခါတုန်းကကျေးလက်တောရွာလေးတစ်ရွာကရွာသားတွေဟာ New Yorkမြို့ကြီးဆီကိုအလည်သွားခဲ့ကြတယ်။ Tour Guideတစ်ဦးကရွာသားတွေကိုNew Yorkမြို့ကြီးရဲ့အထင်ကရနေရာတွေဆီလိုက်ပို့ပေးရင်း Wall Streetကိုရောက်လာခဲ့ကြတယ်။ Wall Streetဟာကမ္ဘာ့ငွေကြေးစနစ်ကြီးရဲ့ အဓိကဗဟိုဖြစ်ကြောင်း၊ စတော့ရှယ်ယာရင်းနှီးမြှုပ်နှံသူတွေဟာ Wall Streetမှာရှိတဲ့ဘဏ်တွေ၊ Stockbrokerကုမ္ပဏီတွေကနေတစ်ဆင့် ကမ္ဘာ့စတော့ရှယ်ယာစျေးကွက်ထဲရင်းနှီးမြှုပ်နှံပြီး ကမ္ဘာ့စတော့ရှယ်ယာစျေးကွက်ကြီးကလည်ပတ်နေတာဖြစ်ကြောင်းကို Tour Guideက​အသေးစိတ်ရှင်းပြခဲ့တယ်။

အဲ့ဒီလိုနဲ့ရွာသားတွေဟာ Wall Streetကနေ Libertyရုပ်ထုကြီး🗽ဆီသွားဖို့ဖယ်ရီဆိပ်ကိုလမ်းလျှောက်သွားနေတုန်း ဖယ်ရီဆိပ်မှာရပ်ထားတဲ့ဇိမ်ခံရွက်လှေတွေကိုမြင်တဲ့အခါ…

Tour Guide : (အာပေါင်အာရင်းသန်သန်နဲ့)ဒီမှာရပ်ထားတဲ့ဇိမ်ခံရွက်လှေတွေဟာ Wall Streetကဘဏ်တွေ၊ Stockbrokerကုမ္ပဏီတွေမှာအလုပ်လုပ်နေတဲ့သူတွေပိုင်တာဗျ။

ရွာသားတစ်ဦး : ဟုတ်လားဗျ။ အားကျစရာကြီးဗျာ! ဒါနဲ့စတော့ရှယ်ယာရင်းနှီးမြှုပ်နှံသူတွေရဲ့ဇိမ်ခံရွက်လှေတွေကရော ဘယ်နားမှာရပ်ထားတာလဲဗျ?

Tour Guide : •••

ဘဏ်တွေ၊ Stockbrokerကုမ္ပဏီတွေကဝန်ဆောင်ခ(手数料)ဆိုပြီး “ရိတ်စား”လုပ်ကြလို့ ရင်းနှီးမြှုပ်နှံသူတွေဆီမှာဘာမှမကျန်ဘဲ ဘဏ်တွေ၊ Stockbrokerကုမ္ပဏီတွေကလူတွေပဲဇိမ်ခံရွက်လှေတွေပိုင်နိုင်တာဆိုပြီး ဟာသဆန်ဆန်သရော်ထားတဲ့ပုံပြင်လေးပါ။

 ရင်းနှီးမြှုပ်နှံမှုလုပ်တဲ့အခါ Costကိုသတိထားပါ။ တကယ်ကောင်းမွန်တဲ့Serviceတွေ၊ Fundတွေဟာ Costအရမ်းသက်သာပါတယ်။ အများစုသောဘဏ်တွေ၊ Stockbrokerကုမ္ပဏီတွေဟာ Customerမြတ်ဖို့ထက် သူတို့မြတ်ဖို့ကိုအဓိကစဉ်းစားကြတာဖြစ်လို့ ဘဏ်ဝန်ထမ်း Stockbrokerဝန်ထမ်းတွေနဲ့ဆက်ဆံရင်သတိထားပါ။

Photo crd: Pan Rolling